نادي الحيّ.. ويوم بدون رياضة..

  

تكلّمت المدربة “الهاجري” الصدق اني نسيت اسمها الاول ، -صحيح ان البداية توحي لكم اني ناسية اسم المدربة وش بيصير على باقي المعلومات – تشتغل بمكافحة المخدرات ، قالت معلومات كثير أغلبها نعرفها ومرّت علينا بالافلام او تكلموا عنها بالمجالس أو قريناها في النت.

بس المخيف أن معظم بدايات الإدمان تكون تجربة وأكثر الأحيان هروب من مشكلة وممكن تنخلط بشرب أو أكل من شخص متعاطي ويحاول يبيع المخدرات على أكبر شريحة من المجتمع ويكون واعي لتصرفاته ومحدد أوقات تعاطيه .
🔺
موقف طفولي:

طالبة برابع ابتدائي جايبة معها “قات” للمدرسة وتوزعه على زميلاتها بالفسحه وتعلمهم طريقة استخدامه ، ولما سألوها الادارة قالت عادي ماما وبابا في البيت ياكلونه والقات اللي ما يعرفه مصنف كعقار ضار ، وحتى طعمه مو سيء ، ما اسوّق له بس اعلمكم 🎵.

🔺
كيف نعرف ان الشخص متعاطي؟ أو مدمن؟

أنواع المخدرات واستخدامها متنوع ما بين تدخين او أبر او شمّ.

🔞 ممكن ينحط مع الشيشه ويطلع أصوات فرقعه ، واللي يلفّون الحشيش بسيجارتهم العاديه ممكن تلاحظ الفرق ان دخان الاحتراق يكون ثقيل اثقل من الدخان العادي وبرضو تصير العيون لونها أحمر، وممكن تكون ملفوفه بقصدير عشان يحافظ على رطوبتها.

🔞 الملعقة المعدنية المحترقة من تحت أو المفاتيح المحروقة ، ممكن تعطي اشارة ان الشخص متعاطي لان بعض الانواع تحتاج حرق فتكون الملعقة والمفتاح كحجم مناسبة تنحط في الجيب، ودي ادور صور من النت واحط لكم للتوضيح، ولكني فتاة تخاف من المناظر التي سيعرضها لي محرك البحث لذلك شغلوا خيالكم .

🔞 اذا كان الشخص يسوق سياره فغالبا بيكون في سيارته آثار اصطدام لان من اعراض بعض المخدرات يصعب على الشخص قياس المسافات و الزمن فتكون قراراته خطأ فيصدم كثير.

🔞 فرط بالمشاعر ضحك وبكاء وغضب وشك، اهمال المظهر الخارجي ، السهر المتواصل ليومين بدون نوم ، او النوم لوقت اطول من المعقول ، صرف مبالغ كبيرة بوقت قصير ، السرقة.

النقطة الاخيرة مو شرط تكون لشخص متعاطي ، ممكن مرض عضوي او نفسي او ضغوط عمل او دراسة ، بس لو لاحظ الأهل هالاعراض على أحد افراد الاسرة ياخذونها على محمل الجد، والمخيف لما يكتشف الشخص ادمان احد قريب له ، وش بيكون التصرف الصحيح ؟ 

المدربة اعطتنا رقم تلفون للتواصل وعلاج المدمن اسمه المركز الوطني لاستشارات الادمان ١٩٩٥ يستقبلون المكالمات بسرية وياخذون المتعاطي ويعالجونه بدون اي شوشره ، وبرضو رقم ثاني لو عرفنا عن احد مروج او يبيع مخدرات ٩٩٥ .
هالموقع فيه المعلومات بشكل علمي ومرتب “نبراس“، ولو كنتوا في الرياض الحين فيه بالجنادرية مكان عن مكافحة المخدرات ، وعلى قوله ام عبدالعزيز الله يحمينا ويحميكم ويبعد عنا وعنكم كل مكروه. 

Advertisements

7 رأي حول “نادي الحيّ.. ويوم بدون رياضة..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s