سواليف من العام: التطبيقات الجزء الثاني للايفون والاندرويد [٦-١٠]

حيّاكم من جديد في الجزء الثاني من التطبيقات اللي حملتها العام ، وشكرا لكل التعليقات والزيارات اللي وصلتني في الجزء الأول ، ومتأكدة أن هالجزء بيعجبكم أكثر لأنه يهتم بالجانب العاقل والرزين اللي المفروض يكون داخل كل انسان تجاوز مرحلة الطفولة مب ألعاب وتضييع وقت ><، وتقدرون تحملونها على أجهزتكم وتستفيدون منها لأن بعضها صوتية وتطبيقات ثانية متفرقة .. 

  
١. قناة سايوير بودكاست ، قناة علمية بحته يقدمها الدكتور محمد القاسم ، مستوعبين انه يتكلم في الحلقه لمدة ساعة تقريبا، ومع ذلك يشدّك من أول دقيقة لنهاية البودكاست بتسلسل افكاره، مناسبة للاستماع في طريق سفر او بمكان مافيه مشتتات كثير حولك  ، من الحلقات اللي حبيتها واخترتها لكم تسمعونها [ هل نحن وحيدون في الكون ، الألغاز ، حقيقة الأشياء ، الإيثار من منظور العلم ] تقدرون تكتفون بالقراءة مو بالضرورة تسمعون الحلقة صوتيا.

رابط الموقع : http://sciwarepod.com

رابط التطبيق على الأجهزة المختلفة [ من هنا ]

..🤖..

  
٢. تطبيق اسمعلي .. مجموعة كتب صوتية وعشرات البودكاست ومصنف لقنوات كثير موجود من بينهم سايوير بودكاست ، برضو تنفع بالطرق الطويلة في سفر أو وقت استرخاء ، كمية معلومات موجودة في هالتطبيق تكفيك لسنة قدام .

رابط موقعهم : http://esm3.ly

للتحميل في App Store  و Android

..🤖..

  
٣. تطبيق رواق يبدو لي ان هالتطبيق بيكون تطبيق هالسنة الجديدة اتذكر اني حملته مع مجموعة تطبيقات وسويت لي حساب بعدين انشغلت، والحين لما جيت اكتب عنه اكتشفت اني ما اعرفه كويس ، من نظرة سريعة واضح أن الشغل فيه شيء جبّار ، هي منصة عربية للتعليم المفتوح ، محددة بوقت واهداف ومدربين حسب كل تخصص .

موقعهم على النت:https://www.rwaq.org

وفيه كل الدورات وروابط التحميل حسب نوع اجهزتكم اللي تستخدمونها.

..🤖..

  

 
٤. تطبيق للمانجا وهالكلمة معناها باختصار شديد القصص المصورة عند اليابانيين ، وأكيد مافيه زي الكتاب اللي تمسكه بيدك وتقلب صفحاته ، لكن هالتطبيق الحلو فيه ان التصفح سلسل والمانجات فيه متجددة .

تحميل التطبيق : App Store  و Android
..🤖..

  
٥.تطبيق  memrise لتعلم اللغات ، اكثر شيء في الستور  التطبيقات اللي تعلم اللغات ، حبيت هذا التطبيق وكملت شهرين وانا اتعلم انجليزي وفرنسي ، السؤال: هل اتقنت اللغة ؟ هذا ما سنعرفه عندما اكمل سنه بالتمام والكمال 🎵.

تحميل التطبيق AppStore و Android
..🤖..

     

 ٦.تطبيق آية وتطبيق فاذكروني وتطبيق التقويم الهجري
هالتطبيقات فيه منها عشرات تقدرون تختارون اللي تحبون واللي تتعودون عليه وما فيه تفاصيل وزحمه، الأول القران والثاني مواقيت الصلاة والاذكار والثالث التقويم الهجري .

..🤖..

  
٧.تطبيق pinterest

هذا التطبيق يصنف ضمن المواقع والشبكات الاجتماعية لنشر الصور واعتبره المنقذ على جميع الأصعدة مثلا نطاق التعليم سواء كنت اكاديمي او تحت التدريب او طالب وانطلب منك افكار بروشرات او اعادة تدوير او رسمات ، ولو كنت تأثث مكتبك أو غرفة في البيت وتدور افكار ، او جوعان وتدور اكلات ، اكتب اللي تفكر فيه وشوف آلاف الأفكار والاقتراحات وبالصور، هالموقع هو مصدري الأول في الحساب التعليمي الخاص بالأطفال.

رابط الموقع : https://www.pinterest.com

رابط التحميل App Store   و Android 

..🤖..

  
٨.we heart it هذا التطبيق يعتبر تغذية بصرية من الطراز الرفيع ، أحب موقع التمبلر لأن الصور فيه كثيرة ولقيت هذا اللي ممكن نقول انه اخوه الصغير لانه يعرض صور فقط بدون كلام ولا روابط ك ولا شيء ، فقط صور من كل شكل ولون ، لذيذ لذيذ لذيذ اتعب وانا اعبر عن حبي وتقديري لهالتطبيق واغلب الصور الموجودة بالمدونة اخذتها من هالتطبيق .

رابط التطبيق على App Store و Android

..🤖..

  
٩.المتصفحات سفاري و فايرفوكس و كروم و دلفين

كل متصفح فيه مميزات تختلف عن الثاني ، اتذكر كنت ابحث عن متصفح يدعم ملفات الجافا وكان دلفين اظن او فايرفوكس ، المهم إني صفّيت هالمتصفحات جنب بعض وكل واحد استخدمه شوي ونصيب الاسد من نصيب سفاري لانه المتصفح الافتراضي بجهازي، تقدرون تبحثون عنها بدون ما احط لكم روابطها.. صح؟ 
..🤖..

  
١٠. تطبيق  drift bottle رسايل البحر.. هالتطبيق فكرته بسيطه وتشبه الروايات الاسطورية اللي تكتب رسالة وتحطها في علبة وترميها في البحر ، ومن بين عشرات الرسايل اللي ترميها ممكن أحد يرد على رسالتك .

انسخوا الاسم وابحثوا عنه في الستور ، اعتبروا الستور البحر وانا اعطيتكم العلبه ، واكتبوا رسايلكم الطويلة وارموها في البحر لعلّها تصل لشاطئ ما ويستفيد منها احد وممكن تغوص في الأعماق ولا أحد يطق لها خبر ..
فمان الله ، ومعالسلامه ، والى اللقاء اشوفكم ان شاء الله في الجزء السابع من سواليف العام ..

.

.

Advertisements

5 رأي حول “سواليف من العام: التطبيقات الجزء الثاني للايفون والاندرويد [٦-١٠]

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s